رواية المال مقابل القلب الفصل الأول لهاله الجمسي

 

الحلقه  ١٩و ٢٠ 

ولسه فى امل

بقلم سها مجدى

حياه ردت:انا بحبكوا اوي ربنا يخليكوا ليا وميحرمنيش منكوا ابدا يارب ونفضل موجودين في حياة بعض ومنتفرقش ابدا 

وعنيها دمعت حضناها كلنا وبعدين روحنا السكشن الي عندنا ولما خلصنا نزلنا قعدنا تحت عشان نحتفل بعيد ميلاد عشق قبل لما حياه تمشي عشان شغلها واحنا قاعدين فون حياه رن وطلع هوه الي بيتصل بيها يطمن عليها 

عشق:هاتي انا هرد وهعمل نفسي معرفش حاجة وازعق علي اساس انه بيعاكس وكده 

وفعلا عشق ردت عليه وراحت مزعقه وهزقتوا تهزيق يخليه ميعرفش حياه تاني اصلا وشتمت بقي وهوه ولا فارق معاه اصلا ولاكان في حد بيتكلم اصلا بعد اليوم ده عرفنا ان حياه قعدت معاه وبدات تتكلم معاه كويس وبعدها اتخطبتلوا عشان لما عرفته طلع طيب والي كانت معاه كملوش اصلا وسابته وكلنا عرفنا وقتها ان محدش عارف الخير فين واديهم متجوزين دلوقتي وعندهم بنتين زى العسل 

من يومها عشق بتقولها:اوعي تقوليلوا ان انا الي رديت عليه وهزات ونبي ياحياه 

المهم بعد خطوبة حياه بكام يوم كده كنا قعدين في الجامعه عادي في مكانا المعتاد وزي كل مره هوا جامد 

وعشق كانت بتقول لي ايريني:لا التيشرت مش حلو عليكي 

وعمالين يضحكو اوي واعدت ترخم عليها اوى 

ايريني:وللهي اخدك من ايدك واوديكي للواد الي بيفضل يبص ليكي ده واخليه يخطفك ونخلص بقي 

عشق:انتي عايزه تخلصي مني كمان وعايزه يعمل ايه يعني ده واحد عمال يبص ليه مش عارفة ده رخم اوى 

وبتص قدامها لقيته واقف برا سور الجامعه بياخدحاجة من العربية بتاعته مافيش 3ثواني وهي بتكمل كلامهاوبتقول دي حاجة رخمة اوي وبتشاور لقيته واقف قدامها علي طول انا وايريني سكتنا 

عشق بااستغراب:ايه ده ازاى ده كان وتبص برا وتبص ليه وهوه رافع النضارة الشمس ووقف قدامها وهي تقول حد يلم دراعي مش قادره المه وهي لسه بتشاور واخدنا ايدها ونزلنها 

راح قايل: مين ده الي رخم

عشق:هوه مافيش غيرك في الدنيا يعني خلاص ايه ده 

فارس:وللهي ماانا الوحيد الي كنت واقف برا قدامك اهوه سمعيني بتقولي اي بقي

عشق:انت شكلك عبيط بقي يالا روح شوف انت رايح فين مقرفناش 

فارس:ماشي بس هوريكي ولينا كلام تاني مع بعض وعلي فكرة انا همشي بس عشان مش فاضي دلوقتي بس هنتكلم تاني 

عشق:ومين قالك اني عايزه اكلمك اصلا 

فارس:مش بمزاجك وبص ليا انا وايريني وكمل كلام وقال خلوا بالكم منها لغايت لما ارجع 

واحنا هزينا دماغنا الي هوه حاضر وعشق كانت متعصبه اوي 

عشق بعصبية:ايه الي بتقوله ده 

وهوه ولا معبرها ومكمل كلام معانا:اوعي تغيب عن عنيكوا لغايت لما اجي هاه وبص ليها وكمل وانتي لو حد عملك اي حاجة قوليلي ولو حد حاول يقرب منك انا قاعد هنا هشتغل علي مشروع التخرج وراجعلك تاني مش هتاخر عليكي وقرب منها شوية صغيرين كده وقال شكلك قمر النهارده وسابها ومشي

Part20 والاخير معلش هوه طويل شوية

ولسه فى امل

بقلم سها مجدى

وهي فضلت وقفة متنحة وعماله تحاول تقول او تكون جملة ومش عارفة اصلا عماله تقطع قعدناها انا وايريني واول حاجة قلتها

عشق:الواد ده عبيط اوي ايه قمر دي ولا متتحركيش انا جاي تاني وانتو محدش فيكو رد عليه ليه هاه بتقولوا طيب انتوا عبط وللهي انتوا كمان هوه مجنون وانتو مجانين معاه اوعو وراحت قامت تاخود نفسها 

راحت ناحية سور الجامعة وهي واقفة الفون بتاعها رن كان الدليفري لاننا كنا طالبين اكل ردت وقالتلنا نروح احنا نجيب الاكل وهي هتروح تجيب المايه قولنا طيب 

ايريني :اجي معاكي 

عشق وهي متعصبة:هوه انا صغيرة مش هعرف اروح لوحدي يعني مالك في ايه 

ايريني:خلاص روحي 

روحت انا وايريني جيبنا الاكل ورجعنا وعشق اتاخرت اتاري وهي بتجيب المياه في حد من امن الجامعة عاكسها وهي هزقتوا ومشيت بس هوه جه وراها وكان هيمسك ايديها بس ادم وعمر شافوها وفارس كان اعد جنبهم بيشتغل علي الاب توب 

ادم:الحق يافارس في حد بيعاكسها وعايز يمسك اديها 

فارس رما لاب توب لادم وجري ناحيتها بسرعه ولسه بتاع الامن كان هيمسك ايد عشق بس هوه مسك ايده 

فارس وهوه بيجز علي سنانه:انت بتعمل ايه 

ومسك عشق وجابها وراه عمر وادم راحو ليه بسرعة لان فارس كان متعصب وماسك ايد الواد والايد التنية ماسك بيها عشق ولا اكانها بنته وزعق للواد 

فارس بزعيق:انت عبيط ياله عايز تحط ايدك عليها لو ايدك شوفتها ولا لمحتها كده بتقرب منها هقطعهالك فاهم 

الواد:وانت مالك انت هي عارفاني وبتكلم معايا علي طول وبتهزر معايا ديما 

فارس بص لعشق وهي هزت دماغها بمعني لا محصلش 

فارس:وكمان بتكدب وراح مديلوا بالدماغ وكمل كلامه انا هوريك ياكلب وبدا يضرب فيه بايدوا ورجله وعشق من خوفها هي اصلا مش بتحب العنف بسبب باباها بدات تعيط باانهيار وحاطه اديها علي ودنها الاتنين 

عشق بخوف:بس سيبه سيبه خلاص 

وبدات ترتعش جامد من الخوف ادم وعمر كانوا بيحجزوا ومسكوا فارس وبعدوه عن الواد وهوه عمال يشتموا ويزعق جامد 

انا وايريني قلقنا علي عشق الي اتاخرت دي وقومنا نروح نشوفها لقيناها واقفة بتعيط باانهيار جرينا عليها بسرعة اختها في حضني وبعدنا وفضلت اهدي فيها انا وايريني وفضلت اقولا ده احنا وانا بحاول اشيل اديها من علي ودانها وهي كانت بترتعش جامد فين وفين لغايت لما بصت لقيتنا احنا اخدتها في حضني وهي منهارة اصلا قبلها بيومين كنت عندها انا واختي عشان كنا رايحين خطوبة حياه سوا فجاه اتخانقت مع باباها وهددها انا لو خرجت مترجعش تاني مامتها سمعت كده زعقت جامد واختي وانا قولنا ناخد عشق تحت نهديها فجاه سمعنا صوت صريخ 

عشق بصريخ:ماما 

وجريت علي طول علي فوق الباب وسابت المفتاح في الباب ومن الهوا الباب اتقفل جامد وعشق دخلت لقت باباها بيخنق مامتها جريت وزقته عشان يسيبها ساب مامتها ومسك فيها هي وخنقها واخدها جر من الاوضه بتاعتها لي الصالة برا واحنا بره عمالين نخبط ومش واخدين بالنا ان المفتاح في الباب من برا اصلا لغايت لما اخدنا بالنا والجيران فتحوا الباب بسرعه ودخلنا اختي شافته بيخنقها وخلاص هتموت في ايده جريت عليه هي وواحد من الجيران بس هوه زقهم ومش عايز يسمعهم واخدها جر لغايت الطرقة بتاعت العماره حطها علي السور وكان عايز يوقعها والجيران كلهم مسكوه وقعدوا يقولوا سبها البت خلاص روحها بتطلع حرفيا هتموت وفين وفين لما سابها كانت هتقع من السور وهي ساكنه في الرابع وانا صرخت وحد من الجيران لاحظ ومسكها علي اخر لحظة والموضوع كبر اوى وعشق اتعورت لان ضوافر باباها غرزت في رقبتها واتعورت جامد كل ده عشان قالت انها رايحه الخطوبة ومامتها هتيجي معانا عشان لو اتاخرت بس كان يوم صعب اوي ايريني وحياه والباقي مكانوش يعرفوا عرفوا بعدها كانت نفسيتها ووحشة جدا اصلا لدرجة انها لو في البيت لوحدها يتسمع صوت الخناق عشان كده بتحط ايدها علي ودنها والمشاكل زادت بعدها لدرجة انهم اطلقوا رمي عليها اليمين لسه مش رسمي وبعد لماشافت فارس عامل كده وضرب الواد ده هي خافت جدا وانهارات فارس لاحظ انها مش موجوده ساب عمر وادم ماسكين الواد وجري عليها يطمن عليها شافها ازاى منهارة وبتعيط كده وانا وخداها في حضني وهي ماسكة فيا وعمالة ترتعش اوي وايريني ماسكة ايدها وعمالة تحاول تهديها جه بسرعة 

فارس:عشق انتي كويسة وبصلنا وكمل كلام انا مش قولتلكوا متسبوهاش لوحدها 

ايريني بزعيق:احنا لو نعرف يعني ان الزفت ده هيعمل كده تفتكر كنا سبناها وبعدين مين انت اصلا عشان تتكلم معانا كده لا وتوصينا علي اختنا ده الي يقرب لوحده فيهم اكله وهوه صاحي سمعت 

انا رديت علي ايريني وقولتلها:خلاص ياايريني تعالي خليكي مع عشق 

وقومت واخدته علي جنب وقولتله:انت عايز ايه عايزنا نشكرك طب ياسيدي شكرا هاحاجة تاني متهيالي ان مش وقته الكلام ده اصلا انت شايف هي عامله ازاى 

فارس:هي ايه الي خلاها تنهار كده ايه الي حصل 

غزل:عايز تعرف هي ليه حصلها كده لما شافت الي حصل 

فارس:اه عايز اعرف

غزل:قولي الاول انت عايز منها ايه ليه اتحمقت علشانها كده وكنت هتموت الواد في ايدك عايز تعمل فيها شهم يبقي الف شكر علي الجدعنه انما لو حاجة تانية اعرفها ايه سبب الاهتمام ده واشمعنا هي وليه عمال تبعت اصحابك يطمنوا انها موجوده في الامتحانات والمحاضرات وليه تشوف النتيجة بتاعتها وكنت بشوفك يتمشي ورانا في ايه والنظرات دي كلها ليه رد عليا رد 

رد عليا بكلمة واحده سكتتني:عشان انا بحبها 

بصتلوا بصدمة وقولت:ايه بتقول ايه

فارس الي سمعتيه انا بحبها من اول مرة شوفتها وانا معجب بيها وكان نفسي اكلمها وهوه بيتكلم عمر وادم جم كمل كلام وبخاف عليها ليه مش عارف هتقوليلي ليه هقولك معرفش عشان كده كنت ببعت ادم وعمر يشوفوها هي موجوده ولا لا عشان كده بطمن عليها علي طول واليوم الي اقرراكلمها فيه يحصل كده وهي تنهار بشكل ده وبدل مااخليها تحبني لا خوفتها مني شوفتي حظي

غزل:وانا اعرف منين انك بتحبها بجد ولا معجب بيها فعلا اضمن منين انك تستحقها فعلا

ادم هوه الي رد عليا:انا ابن عمو انا وهوه واخواته طول عمرنا معاه وعارفينه كويس اوي هوه اول مره يعمل كده عشان حد اول مره نشوفوا مبسوط بشكل ده ولومكانش بيحبها مكانش عمل كده وهوه فاضلوا كام شهر ويتخرج ويعمل لنفسه مشكله ولا ايه 

يومها مش عارفة ليه صدقته جدا وشوفت انه فعلا عوضها من ربنا علي بيحصلها ده اخيرا هشوفها مبسوطه مع حد يستاهلها فعلا

غزل:انا هساعدك تصلح الدنيا الي باظت دي 

فارس بفرحة:بجد هتساعديني

غزل:اه بجد

فارس:بس بردوا ايه الي يخليها توصل للمرحلة دي وتنهار كده بشكل ده 

غزل:انا هحكيلك كل حاجة وفعلا قولتلوا كل حاجة عن باباها والي بيحصلها كلوا وعلي حوار الطلاق وانه هيبقي رسمي كمان وانها معتمدة علي نفسها وان عندها اخ اصغر منها وهي ناوية تتحمل مسؤليتو بعيد عن باباها ومامتهافكر كويس في الي قولتوا وعرفني قراركهتكمل فعلا عشان بتحبها بجدولا لا عشان ظروفها دي مش مناسبة ليك يبقي خلاص بس اي ان كان قرارك ايه هي مش هتعرف باالي حصل ده والي اتقال ده اي كان هتبقي ناوي علي ايه محدش هيقول عليك حاجة لو بعدت ومقبلتش عادي انا هستني ردك 

وكنت لسه همشي قالي:استني مش محتاج افكر انا مش فارق معايا اي حاجة قولتيها انا عايزها هي ماليش دعوة بحد وميهمنيش ولا باباها ولا مامتها كويسين ولا لا 

غزل:فكر بردوا ورد عليا

ومشيت وسيبتوا يفكر لقيت ادم جاي ورايا وبينادي ويشاورلي روحتلوا اشوفوا عايز ايه ده

وانابرد عليه:نعم في حاجة

ادم:ممكن رقمك 

بصتلوا بقرف وقولتلوا:ليه بقي 

ادم:عشان فارس وعشق 

فكرت شويه واديتوا الرقم وفي نفس اليوم بليل كنت اعده مع اختي بحكلها عملت ايه النهارده في يومي لاني كنت متعودهاني بحكي كل حاجه لامي بالتفصيل وبعدها بقيت بحكي لاختي وانا اعده معاها ببص في الفون لقيت ادم بعتلي رساله هاي عامله ايه قولت مش هرد واختي لما لقتني ببص في الفون سالتني دول البنات قولتلها لا وحكتلها عن ادم قالتلي رودى عليه طيب شوفيه عايز ايه يمكن حاجة بخصوص فارس فكرت شويه وقولت ماشي 

رديتعليه وقولت:مين حضرتك

رد ادم عليا علي طول اكنوا اعد في المحادثة:انا ادم ابن عم فارس

  قولتلوا:ااااه اهلا بيك عامل ايه انا تمام الحمدلله في حاجة يااستاذ ادم

ادم:الحمدلله بس ايه استاذ دي انا ادم بس وبعدين احنا هنبقي مع بعض خلاص

رديت عليه:مع بعض ازاي يعني 

ادم:قصدي يعني بسبب فارس وعشق ان شاءالله فاهنبقي اصحاب ولا انتي مش موافقة نبقي اصحاب 

قولتلوا:اممممم لا طبعا ازاى نبقي اصحاب عادي 

ادم:اتبسطت جدا انك قبلتي نبقي اصحاب 

وفضلنا نرغي كتير ومختش بالي من الوقت غير لما اختي نبهتني عشان انام عشان الجامعة الصبح 

فابعتلوا:طيب ياادم انا لازم اقفل عشان اصحي الصبح للجامعة

ادم:يااااااه ده احنا الوقت اخدنا وانا مختش بالي الوقت معاكي عدي هوا 

قولتلوا:شكرا ياله بقي تصبح علي خير

ادم:استني هشوفك بكره ان شاءالله 

قولتلوا:اه ان اشاءالله ماانا بكره هشوف فارس عشان اعرف قرر ايه فاهشوفك ساعتها اكيد

ادم:يعني فارس لو مجاش بكره يبقي كده مش هشوفك هتشوفيني بسبب فارس بس احنا مش بقيني اصحاب ونتقابل عادي ولا ايه

قولتلوا:لا مش قصدي طبعا نتقابل في الجامعة عادي انا بس عايزه اعرف فارس هيعمل ايه عشان اعرف ايه الي هيحصل انما عادي اشوفك مش لازم سبب وبعدين ياله بقي في جامعة الصبح لازم انااااام ياعم

ادم:عم طب خلاص متزوقيش اشوفك بكره تصبحي علي خير ياغزل

قولتلوا:ان شاءالله وانت من اهل الخير

صحيت تاني يوم بالعافية لاني نايمة متاخر بسبب ادم وانا بلبس لقيتوا بعتلي: صباح الخير

مردتش عليه وكملت لبس وطلعت وركبت عشان اقابل ايريني في الف مسكن عشان نروح بعض ولما وصلتلها لقيتها لسه موصلتش فاكلمتهافي الفون:الو ايه يابنتي فينك انا وصلت وواقفة مستنياكي اهوه 

ايريني:انا اهوه قربت عليكي بس اعمل ايه السواق ده بطيئ 

قولتلها:طب كهربيه في قفاه عشان يسرع شويه

ايريني:ياظريفة هكهربوا حاضر 

وضحكنا واحنا بنضحك عشق اتصلت تشوفنا فين فادخلناها معانا في المكالمة وقولنالها ان احنا في الطريق جايين ولما نقرب هنكلمها تنزل وايريني شويه وكانت وصلتلي وروحنا عشان نركب لاقينا ثائر وفؤاد جايين يركبوا فاركبنا مع بعض نفس الميكروباص ايريني اعدت علي الكنبة الي ورا وانا جنبها وفؤاد اعد جنبي وثائر اعد قدامنا وطول الطريق كنا عمالين نرغي ونضحك وايريني لما اتحركنا كلمت عشق عشان تنزل لان يومها بسنه واحنا في الطريق انا الفون بتاعي رن ولاني مكنتش لسه سجلت الرقم مكنتش اعرف ده مين فااديت الفون لفؤاد يرد

فؤاد:الو مين معايا

ادم بااستغراب:الو انت مين مش ده الفون بتاع غزل 

فؤاد:ياعم انت الي متصل انت عايز مين

ادم:عايز غزل اديها الفون لوسمحت انا عارفها 

فؤاد:ايوه انت مين يعني اسمك ايه وتعرفها منين

ادم كان ابتدي يتعصب:مش لازم تعرف اديها الفون بقولك

فؤاد اداني الفون وقالي:خودي ياغزل ده بيقول عارفك شوفي كده لحسن يطلع ابن عمك ولا حاجه

خت منه الفون ورديت:الو مين معايا

ادم:انا ادم يااستاذه انتي فين ومين الي معاكي ده ومجتيش ليه لغايت دلوقتي

رديت:انا اهوه في الطريق جايه مع ايريني وفؤش وثائر وده فؤش الي رد

ادم:فؤش ااه طب ماشي ياغزل سلام

انا محطتش في دماغي بس اتغاظت شويه عشان قفل السكه في وشي المهم وصلنا وقابلنا عشق ودخلنا الجامعة وكنا داخلين بنهزر مع بعض وهوه شافني وانا بهزر مع فؤشبس انا مشوفتوش  

 المهم اول لما شوفت فارس سالتوا:هاه فكرت 

رد عليا بكل ثقة:مش محتاج افكر انا قولتلك قراري امبارح 

انا ضحكت 

وهوه قالي:هاه هنعمل ايه عشان نصلح الي حصل ده 

انا رديت عليه:تعالي اعتذر انك خوفتها 

فارس:ماشي موافق

وجه وصالحها 

فارس بندم:انا اسف اني خوفتك 

عشق بصتله وسابته ومشيت بس هوه مستسلمش وراح وراها وقعد يتحايل عليها كتير وهي مافيش وسابته ودخلت المحاضرة وهوه بردوا كان عندوا محاضرة وحضرها وخلص وانا كل ده مكنتش شوفت ادم كان مختفي من اول اليوم واحنا كنا خلصنا ومشينا 

ولما روحت بعتلوا:عامل ايه مشوفتكش النهارده يعني مش قولت هنتقابل 

شافها ورد عليا بعدها بشويه:ااه كنت مشغول 

قولتلوا:ماشي وسكت  

تاني يوم بقي فارس جه قعد جنب عشق 

فارس:خلاص بقي سامحيني بقي وفضل يحاول يضحكها لغايت ماضحكت وقال اهوه كده خلاص 

عشق:انت عايز ايه بقي اعتذارت خلاص يالا عايز ايه تاني 

فارس:ممكن نبقي اصحاب بس متخافيش 

عشق:ليه مش لازم 

فارس:يالا بقي بطلي رخامة 

عشق:رخامة انا رخمة 

فارس:لالا خلاص ده انا الي رخم 

ضحكت انا وايريني واتدخلنا وقولنا خلاص اصحاب وبدانا نعرف نفسنا وهوه يعرف نفسه لينا وفضل اعد معانا وشوية وادم وعمر جم وعرفنا عليهم ووقفنا كلنا نتكلم مع بعض وانا وادم بنبص لبعض وساكتين شوية وجه وقف جنبي وانا كنت ماسكه الفون وبعدين سبتهم وروحت ارد علي اختي وهوه فضل باصص عليا ولما قفلت الفون فضلت واقفه عشان كنت ببعتلها حاجه لقيته واقف جنبي 

ادم:بتعملي ايه

رديت عليه وانا عيني في الفون:ببعت حاجة لاختي وبعدين انت مالك اصلا

ادم:لا مالي ياغزل ومالي اوي وبعدين انتي بتتكلمي كده ليه معايا

رديت عليه وانا ببصلوا:اممم اتكلم زي ماانا عايوه وبعجين عايزني اتكلم ازاي مع واحد اتعصب عليا في الفون ورد عليا ببرود علي الواتس اب هاه

ادم:انا اتعصبت لاني لقيت واحد رد عليا لما كلمت لا وكمان عرفت انوا كان اعد جنبك وانتوا جايين في المواصلات ودخلتوا الجامعة وانتي بتهزرى معاه عايزاني متعصبش ازاي انا كنت عايز اولع فيه عشان قرب منك وهزر معاكي

رديت عليه:ده فؤش صاحبنا كلنا واخويا وبعدين انا وايريني قابلناهم واحنا جايين وانا اديتوا الفون يرد لاني بما اني زهايمر نسيت اسجل الرقم عشان كده هوه رد وثانيا احنا كنا داخلين كلنا مع بعض وبنهزر مع بعض ثالثاتعالي واجهني مش تتعامل كده انا مبحبش الطريقة دي بس خلاص احنا كنا بنتكلم عشان فارس وعشق وهمي خلاص اتصالحوا فاخلاص سلام ياادم

ولسه جايه امشي مسك ايدي وهوه بيقول:طب انا اسف خلاص انا بس اتعصبت عشان شوفت انوا قريب منك اسف وبعدين ايه احنا اصحاب عشان فارس وعشق دي لا احنا اصحاب وهنفضل اصحاب ومش هتبعدي عني تمام ومفيش حاجة اسمها احنا مبقناش صحاب وتبعدي عني هتفضلي معايا وانا هفضل معاكي وهزارك يخف مع فؤاد وثائر تمام واسمه فؤاد مش فؤش فاهمه

هزيت دماغي بحاضر مش عارفه سكت ليه المهم رجعنا اعدنا معاهم ومن يومها بقينا اصحاب وهمي معانا علي طول لغايت لما الترم خلص وهمي اتخرجوا واحنا نجحنا وكان فاضلنا سنه في الجامعة وفي السنة دي بقي مامت عشق رجلها اتكسرت وعشق كانت واخده بالها منها من مواعيد ادوي واكل ومواعيد دكتور وباباها مكانش بيساعدها في اي حاجة ولا بيروح معاها في حته ومكانتش عارفة تذاكر اصلا كانت بتعيط انها مش عارفة تذاكر وكانت عايزه تسيب الجامعة بس كلنا وقفنلها وكانت شايله البيت كلوا من اكل وتنضيف وانا كنت بروح اساعدها 

وبعد مامامتها خفت اطلقوا رسمي وفكرنا ان المشاكل خلاص بس بالعكس زادت باباها اتجوز ومامتها عايزه تتجوز ومحدش بيفكر فيها ولا في اخوها وفارس فضل معاها في الفتره دي وانا وادم كنا بنتكلم علي طول وساعات بنتقابل واتعرف علي اخواتي كلهم وعرف كل حاجه عني وجه يوم واعترفلي بحبه وخلصنا مشروع التخرج والامتحانات واتخرجنا وفارس خطب عشق واديهم خلاص هيتجوزا وهوه دايما يقولها انتي عشقي انا وبس وثائر اتجوز وفؤش بندورلوا علي عروسه شبهه كده محدش عندوا عروسه ليه وانا اتجوزت انا وادم وعمر خطب بس واحده من برا الجامعة وحياه اتجوزت وخلفت وايريني اتجوزت هي وفلوباتير اما بقي فارس وعشق فرحهم اول الشهر خلاص عقبال كل البنات يارب لما ربنا بعتلها عوضها عن اي حاجة حصلتلها في حياتها زي ماربنا عوضني باادم وبقيت مراته ادم فعلا عوضي من ربنا واقف جنبي ودايما في ضهري وبيحميني من اي حد ربنا يخليه ليا وزي ماربنا عوض عشق بفارس وبقت عشق الفارس او عشقه زى مابيقولها انا فعلا عايزه اقول لكل الناس ان مهما حصلك في الدنيا صدقني ربنا مش ناسيك ابدا ربنا مش بينسي حد وان مهما ضغط عليك وضيقها عليك اتاكد انه هيعوضك اكيد وانوا بيجهزك لفرحة كبيره تعوضك عن الي حصلك ده وممكن عوضك ده يبقي صحاب زيي اصحابي كده يقفوا جنبك ويسندوك ويبقوا في ضهرك دايما اتاكد انوا هيبعتلك عوضك اكيد حتي لو اتاخر متقلقش واتمني ان كل الناس تبقي محظوظه زينا وتلاقوا زي ادم وفارس وزى اصحابي واخر حاجة احب اقولها خلي عندكوا ثقة في ربنا وان

لسه في امل

 يارب تعجبكوا وعايزه اعرف رايكوا فيها ايه وعايزه اقول حاجة ان القصة دي في احداث وشخصيات فيها حقيقيه وموجودين بجد ومعلش ان اخر بارت طويل شويتين بس كنت عايزه احكيلكوا كل حاجة ولسه في احداث ومواقف كتيرة متحكتش هبقي احكيهالكوا الي عايزه اقوله ان طول مااحنا عايشين لسه في امل في الحياه وان ربنا بيبعتلك ناس يدولك امل انك تكمل معاهم وبيهم الحياه دي 

تمت